Қор нарығының қатысушы болу алдында Сіз брокерлік компанияны таңдауыңыз қажет, өйткені, бағалы қағаздар нарығында мәмілелерді тек бағалы қағаздардың кәсіби қатысушылары арқылы ғана жүргізуге болады. Лицензиясыныңболуы, нарықта тәжірибесінің болуы, комиссия көлемі, клиенттер үшін қосымша қызметтер брокерді таңдау өлшемі болып табылуы мүмкін.

Делдалдардың қызметтері лицензияланады, одан өзге, инвестордың бағалы қағаздарды сатып алуға арналған барлық қаражатының есебі мен құжатсыз нысандағы атаулы ұстау түріндегі қолдағы бағалы қағаздар туралы ақпарат Орталық депозитариимен (ОД) жүзеге асырылады. ОД мәмілелерді тіркеуді, есепке алуды және қаржылық құралдар (бағалы қағаздар (еркін бағалы қағаздарды қоса алғанда) мен ҚР аумағында айналысқа рұқсат етілген басқа да қаржылық нарық активтері) бойынша құқықты растауды жүзеге асырады. Ұлттық банк (49,79%), КASE (38,68%), делдалдар (4,12%), банктер (7,41%) Од акционерлері болып табылады. Делдалдың лицензиясы кері шақыртылған жағдайда инвестормен қандай да болмасын бағалы қағаздарды иелену туралы барлық жазбалар, сондай-ақ ОД шотындағы инвестордың қаражаты ОД қалады.

Брокерлік қызметтерді көрсетуге арналған шартты ресімдеу үшін мынадай құжаттар қажет: жеке куәліктің/төлқұжаттың көшірмесі, СТН көшірмесі.

Қазақстан қор биржасында жұмыс істеуді бастау үшін брокерлік қызмет көрсетуге арналған шартты жасағаннан кейін банктегі Сіздің есеп-шотыңыздан инвестицияланатын қаржыны Орталық депозитарий (ОД) есеп-шотына аудару қажет, деректемелері шартта көрсетілген қор нарығы қатысушысы бөліміндегі ақпаратқа басыңыз. Осы есеп-шот арқылы Сіз кез келген брокерлік компаниямен бағалы қағаздармен операцияларды жүзеге асыра аласыз. Осы күннен бастап Сіз бағалы қағаздар сатып алатын барлық ақша қаражаттары, сондай-ақ сатып алынған бағалы қағаздар ОД-да Сіздің субшоттарыңызда сақталады.
Бағалы қағаздарды сатып алу алдында өз брокеріңізге өтініш жасай отырып, Сіздің есеп-шотыңызға ақша қаражатының түсуі/бар болуына көз жеткізіңіз. Ақша қаражаты тек ұлттық валюта теңгемен аударылады.

Бағалы қағазды таңдау үшін қаржы құралдарына, эмитенттерге, нарықтағы жағдайға біршама талдауды жүргізу ұсынылады, техникалық және негізді талдау бойынша ақпаратқа басыңыз, яғни мынадай сәттерге назар аударыңыз:
1) сіз бағалы қағаздарын инвестициялауды жоспарлаған компания қызметі, қаржы көрсеткіштері, оның ішінде кірістер (кірістердің шығыстардан асуы), дивидендтік саясат;
2) нарықтағы жай-күй (бәсекелестік артықшылық), негізінен, сату көлемі, компанияның активтері мен пассивтерінің (мерзімі өткен берешегінің болмауы, залалды ірі қарызгер) көрсеткіштері арқылы;
3) нарықтағы жалпы жағдай, мысалы, бағалы қағаздар бағамының өсуі/төмендеуі және басқалар.
Осы және басқа да зерттеулер ағымдағы жай-күйді түсінуге және болашаққа болжам жасауға мүмкіндік береді. KASE-те айналымдағы бағалы қағаздар және эмитенттер туралы жалпы ақпаратты www.kase.kz сайты бойынша алуға болады, кеңестер алу үшін АӨҚО АБО немесе брокерге өтініш жасауыңызға болады. Бұл ретте брокер бағалы қағаздар бойынша ұсыныстар ғана береді, ал таңдауды клиенттің өзі жасайды. Қосымша брокерлік компаниялар мен қаржы ұйымдарының талдау материалдарын да зерделеуге болады.

Қазақстан қор биржасында қандай бағалы қағазды сатып алатындығыңызды анықтағаннан кейін барлық қажетті (баға және өзге) өлшемдерді көрсете отырып, белгіленген нысан бойынша брокерге Клиенттік бұйрықты жолдау қажет. Нысанды Сіз өз брокеріңізден алуыңызға болады. Брокердің Клиенттік бұйрықты алғандығына міндетті түрде көз жеткізіңіз. Сіздің Клиенттік бұйрығыңызды алғаннан кейін Брокер трейдері құжаттың дұрыс толтырылуын тексереді және клиенттік бұйрықтың өлшемдері биржадағы сұраныс/ұсынысқа сәйкес болған жағдайда оны орындайды. Содан кейін ОД-дағы Сіздің есеп-шотыңызға бағалы қағаздардың аударылғандығын растайтын құжаттар Сізге беріледі. Егер бұрық орындалмаса, қаражат ОД-да Сіздің есеп-шотыңызда қалады.
Бағалы қағаздармен операциялар жүргізу кезінде ҚҚБ-ға комиссиялық алымдар төленеді: брокердің комиссиялық алымы (қосымша ақпарат алу үшін брокерге өтініш жасау қажет), КASE (жеке тұлғалар үшін 1млн дейін - 100 теңге, 3 млн.дейін - 150 теңге, 3-5 млн. - 200 теңге, более 5 млн. - 0,01%, егер тікелей сауда-саттық болса соманың 0,5%), ОД (13.00 дейін - 70 теңге, 13.00 кейін - 130 теңге).